Nana Patekar ke bad Akhay Kumar ne diye kisano ko paise

Naana paatekar aur Akshay Kumar (file photo)naana paatekar aur Akshay Kumar (file photo)Mumbai: Naana paatekar se prerit hokar Akshay Kumar ne madad ke liye kadam badaaya Maharashtra ke sookhe prabhaavit ilaakon mein aatmahatya kar rahe kisaanon ki or. Akshay Kumar ne 180 aise kisaanon ke parivaar ki madad ki jinhonne sookhe ki vajah se aatmahatya kar li aur inke beech Akshay ne 90 lakh rupaye baante. Akshay Kumar khud vahaan maujood naheen the magar unki office ke karmachaari maraathavaada ke beed zile mein 30 vidhvaaon ko 50000-50000 ke check diye. Is iveint ka aayojan kiya tha inspector general of police vishvaas naagare Patil ne jo is samay Maharashtra ke Aurangabad zile mein kaaryarat hain. Is mauqe par vishvaas naagare Patil ne kaha ki "Akshay ne mujhe apni ek film ke Premier par bulaaya tha. Mainne use maraathavaada ke kisaanon ke haalaat ke baare mein bataaya. Mainne Akshay ko naana paatekar aur makaran anaasapure ka video dikhaaya jismein vo kisaanon ki madad kar rahe hain tabhi Akshay ne inki madad karne ki ichha jataai, saath hi kaha ki vo ye madad khaamoshi se karna chaahate hain. " Akshay se pehle naana paatekar aur makaran anaasapure maraathavaada aur Vidarbh ke alaava Maharashtra ke alag-alag ilaakon mein kisaanon ki kareeb 300 vidhvaaon tak pahunchakar unki madad kar chuke hain aur aage bhi kar rahe hain. Naana paatekar ne is baare mein baat karte hue kaha tha ki "Main ghar mein baithakar kisaanon ko is tarah marate hue naheen dekh sakta. Aage aur log saamane aaenge. " aur aisa hi hua jab naana ko dekh Akshay ne bhi kisaanon ki madad ke liye kadam badaaya.